შეჯიბრებაში გამარჯვებულები და მეორე–მესამე ადგილზე გასული მოსწავლეები გამოვლინდნენ მეოთხეკლასელებს შორის, და ცალკე მეხუთე–მეექვსე კლასელებს შორის.

საპრიზო ადგილებზე გასულ მოსწავლეებს გადაეცემათ სერთიფიკატები.

მათემატიკის მსოფლიო დღე მარტის პირველ ოთხშაბათს იმართება და მასში მსოფლიოს უამრავი ქვეყნიდან იღებენ მონაწილეობას მათემატიკის მოყვარულები. ოლიმპიადა, რომელიც მათემატიკის მსოფლიო დღეს ეძღვნება, 136–ე სკოლაში უკვე მეორედ ტარდება. ოლიმპიადის ორგანიზატორები მათემატიკის მასწავლებლები ნინო კეკელიძე და ინგა მარჯანიძე იყვნენ.

მასპინძლებისთვის ხალხური სიმღერებიც შეასრულეს.

ბავშვები პატარაობიდანვე რომ მზრუნველობას ეჩვევიან, შეუძლებელია, მომავალშიც არ გამოამჟღავნონ სხვათა დახმარებისა და თანადგომის სურვილი.

მეორე მხრივ, ამ სახლის ბავშვებსაც ექნებათ განცდა, რომ მარტონი არ არიან და მათ გვერდით ყოველთვის არის საზოგადოება, რომელიც ზრუნავს მათზე.

P.S. ღონისძიება საქართველოს საპატრიარქოს ტელევიზია ერთსულოვნებამ გააშუქა.

დევნილების დახმარების შემდეგ ვიფიქრეთ, გვეზრუნა ტყეების აღდგენისათვის (აღდგენა, ალბათ, ცოტა ხმამაღალი ნათქვამია ). ბორჯომში უნდა დაგვერგო ნაძვები.

ვიყიდეთ ნერგები და ერთი კვირის განმავლობაში ვინახავდით სკოლაში. მერია დაგვპირდა ავტობუსის გამოყოფას. ვემზადებოდით, რომ ბორჯომის ერთერთი სკოლის მეორე კლასელებთან ერთად (ამ პროექტის განხორციელება მეორე კლასში იგეგმებოდა) ჩაგვეტარებინა აქცია.

“თითო ნერგით ვუპასუხოთ ბუნებას”

“ერთად ბუნების სადარაჯოზე”

“ნერგებიდან დაწყებული თანადგომა”

“თანადგომით დავიბრუნოთ ბუნება”

“ნერგებიდან გაშენებული მომავლისაკენ”

“თითოეული ჩვენგანი ვალდებულია, დაეხმაროს გასაჭირში მყოფს, გასაჭირში კი ახლა ტყეა”.

ლოზუნგებით, პლაკატებითა და ბეჯებით შეიარაღებულები რამდენიმე თვის განმავლობაში ვემზადებოდით. დავუკავშირდით ბორჯომის გამგებელს, გამოგვიყო ადგილი, სადაც უნდა დაგვერგო ხეები, დავუკავშირდით თბილისის მერიის თანამშრომლებს ტრასპორტთან დაკავშირებით. ყველაფერი მოგვარებული ვქონდა თითქმის და ამ დროს 9 აპრილის აქციები დაიწყო. მერიიდან გვითხრეს, რომ ვერ უზრუნველყოფდნენ ჩვენს უსაფრთოხოებას, გვირჩიეს, თავი შეგვეკავებინა გამგზავრებისგან

ნერგები 136-ე სკოლის ეზოში დავრგეთ.

მოსწავლეები დაიყვნენ ჯგუფებად, სულ 4 ჯგუფი შეიქმნა, მათ აირჩიეს ერთი მათემატიკოსი, რომელზეც უნდა შეეგროვებინათ სრულყოფილი ინფორმაცია (ბიოგრაფია და სამეცნიერო მოღვაწეობა).
საინფორმაციო სტატიები შეიქმნა ნიკო მუსხელიშვილზე, ანდრია რაზმაძეზე, ევგენი ხარაძეზე, გიორგი ნიკოლაძეზე.

მუშაობისას მოსწავლეები ძირითადად იყენებდნენ სხვადასხვა წიგნებს, მოუწიათ საჯარო ბიბლიოთეკაში რამდენჯერმე წასვლა. ინტერნეტი ნაკლებად დაეხმარათ ინფორმაციის მოძიებაში. ინფორმაცია თითქმის არ არსებობს ამ მათემატიკოსებზე ელექტრონული სახით.

ნიკო მუსხელიშვილის შვილიშვილს ქალბატონ მარინა მუსხელიშვილს შეხვდნენ ბავშვები. დაათვალიერეს ბატონი ნიკოს სამუშაო ოთახი, ნივთები, მოსწავლეებმა შეიტყვეს ბევრი საინტერესო და საზოგადოებისათვის უცნობი ამბის შესახებ ქალბატონი მარინასგან.

მუშაობისას, ვფიქრობ, ბავშვებს განუვითარდათ უცხო მასალის მოძიებისა და დამუშავების, ჯგუფური მშაობისათვის საჭირო და აუცილებელი უნარები. მათ თითქმის არაფერი იცოდნენ ამ მათემატიკოსებზე. რამდენიმე თვეში კი მოახერხეს დაეწერათ „სქელტანიანი“ რეფერატები ამ ადამინებზე.

სექტემბრისთვის რომ დავბრუნდით სკოლაში, შენობაში დაახლოებით 500 ახალგორიდან დევნილი ცხოვრობდა, მათ შორის ჩემს კლასში.

სწავლის დაწყებისთვის კი 2 ახალი მოსწავლე გვყავდა, დევნილები. მათი მშობლები გვიყვებოდნენ იმ პირობების შესახებ, რომელშიც უწევდათ ცხოვრება. ამ ადამიანების მიმართ, ვფიქრობ, თითოეულ ჩვენგანს უნდა ჰქონდეს ვალდებულება და პასუხისმგებლობა. გადავწყვიტეთ, რომ დავხმარებოდით, რითაც კი შეგვეძლო.

ისინი უკვე ბაღში ცხოვრობდნენ, სწავლის დაწყების გამო ხომ გადავიდნენ სკოლებიდან. ბაღში კი ყველაზე მეტად სჭირდებოდათ თეთრეული, ჩასაცმელი, სასწავლო ნივთები და ჭურჭელი.

ჩემი სადამრიგებლო კლასის ყველა წევრი შეეცადა გაეღო მაქსიმუმი, ზოგმა სახლიდან წამოიღო ნივთები, ვისაც საშუალება ჰქონდა შეიძინა მათთვის ახალი თეთრეული.

2008 წლის გაზაფხულში დავაპირეთ, გაგვეკეთებინა ღონისძიება – ჩემი სადამრიგებლო კლასი პირველი კლასის მოსწავლეები გახლდათ. სწავლის დამთავრებისკენ გადავწყვიტეთ, წავსულიყავით ექსკურსიაზე მცხეთაში. ექსკურსიის მიზანი იყო, ბავშვებს უკეთ გაეცნოთ ერთმანეთი, დაეთვალიერებინათ და შემდეგ დაეხატათ ნანახი, თავიანთ შთაბეჭდილებები.

მეორე დღეს გამოვფინეთ ბიბლიოთეკაში ნამუშევრები და თითოეულმა მოსწავლემ მშობელთან ერთად გააკეთა პრეზენტაცია

გთავაზობთ ფოტოკოლაჟს

აღსანიშნავია, რომ ტყეში დაგვხვდა უამრავი ნაგავი, რაზეც ბავშვებმა ყურადღება გაამახვილეს. ამიტომ მივწერეთ წერილი მცხეთა-თიანეთის გუბერნატორს და შევთავაზეთ, ერთად დაგვესუფთავებინა რამდენიმე ადგილი, მაგრამ ჩვენს წერილს არანაირი გამოხმაურება არ მოჰყოლია

]]> http://newinitiativesblog.wordpress.com/2009/04/30/14/feed/ 1 Nino picture2 http://newinitiativesblog.wordpress.com/2009/04/30/%e1%83%93%e1%83%90%e1%83%a1%e1%83%90%e1%83%ac%e1%83%a7%e1%83%98%e1%83%a1%e1%83%98%e1%83%a1%e1%83%97%e1%83%95%e1%83%98%e1%83%a1/ http://newinitiativesblog.wordpress.com/2009/04/30/%e1%83%93%e1%83%90%e1%83%a1%e1%83%90%e1%83%ac%e1%83%a7%e1%83%98%e1%83%a1%e1%83%98%e1%83%a1%e1%83%97%e1%83%95%e1%83%98%e1%83%a1/#comments Thu, 30 Apr 2009 17:15:34 +0000 Nino http://newinitiativesblog.wordpress.com/?p=6 ]]> დასწყისისთვის გეტყვით, რომ…

ეს არის მასწავლებლის ბლოგი, მგონი პირველიც ქართულ ინტერნეტსივრცეში.

აქ საშუალება გექნებათ ნახოთ იმ სიახლეების, პროექტებისა და ინიციატივების შესახებ, რაც სკოლაში ხდება.

განათლების სფეროზე არცთუ ბევრი ინფორმაციაა ქართულ მედიასივრცეში. ამიტომაც ვფიქრობ, ურიგო არ იქნება, თავად მასწავლებლებმა აიღონ ინიციატივა და წერონ იმ დადებითი და უარყოფითი მხარეების შესახებ, რაც საგანმანათლებლო სფეროში ხდება. მით უმეტეს, რომ ინტერნეტი, ბლოგინგი ამის საუკეთესო საშუალებაა (აქედან გამომდინარე, ბლოგის სახელწოდებაც არაა შემთხვევითი).

მაშ ასე, ახალ ინიციატივაზე წაიკითხავთ იმ პროექტებისა თუ ღონისძიებების შესახებ, რომლებსაც ვატარებ სკოლაში. შეგიძლიათ მომწეროთ თქვენი მოსაზრებები და დამოკიდებულება თითოეულ მათგანზე!